Baraza la Taifa la Uwezeshaji Wananchi Kiuchumi (NEEC) limetambulisha na kuendesha mafunzo ya Mfumo Shirikishi wa Kitaifa wa utekelezaji wa Sera ya Taifa ya Uwezeshaji (NEMIS) jijini Dar es salaam katika ukumbi wa Peacock Hotel-Mnazi Mmoja.

Baraza limeendesha mafunzo hayo kwa kushirikiana na wataalam kutoka Taasisi ya Serikali Mtandao (eGa).

Mafunzo hayo yaliwafikia waratibu wa madawati ya uwezeshaji ngazi za Mikoa na Wilaya (RECO’s), watoa huduma za maendeleo ya biashara(BDSP’s), watoa huduma (SUPPLIERS), waratibu wa ushiriki wa Watanzania katika miradi ya kimkakati kwa ngazi za Wizara na wajasiriamali.

Wakati wa ufunguzi wa mafunzo hayo, Kaimu Katibu Mtendaji wa Baraza la Uwezeshaji Wananchi Kiuchumi, Bi Neema Mwakatobe alisema kwamba lengo la mafunzo hayo ni kutambulisha na kuelimisha namna ambavyo  mfumo huo unafanyakazi.

Washiriki wa warsha hiyo walipata mafunzo ya kina kuhusu namna ya kuingiza taarifa katika mfumo, namna ya kutumia taarifa kwa ajili ya kufanya maamuzi ya msingi, pamoja na mbinu za kuhakikisha ubora wa taarifa zinazokusanywa.

Aidha, wadau walieleza kuridhishwa kwao na hatua hiyo ya serikali katika kuimarisha mifumo ya kidijitali, huku wakiahidi kushirikiana kikamilifu katika kuhakikisha mfumo huo unatekelezwa kwa mafanikio katika maeneo yao ya kazi.

Uzinduzi huu umeweka msingi imara wa matumizi ya TEHAMA katika kuleta mabadiliko chanya kwenye sekta ya elimu nchini Tanzania.